САД ќе и додели на Украина нова воена помош вредна 125 милиони долари

Соединетите Американски Држави планираат да испратат 125 милиони долари воена помош на Украина, во услови на тековната војна со Русија.

Според извори од администрацијата на претседателот Џо Бајден, пакетот помош вклучува различни одбранбени системи, вклучувајќи ракети за воздушна одбрана, муниција за системите HIMARS, анти-оклопни ракети, технологии за против-дронови и ракети „Џавелин“.

Изворот, кој во изјава за АП побарал да не биде именуван бидејќи пакетот помош се уште не е официјално објавен, изјавил дека со оваа помош ќе се искористи претседателската овластување за преземање оружје од залихите на Пентагон, пренесува Њусвик.

Очекуваната официјална објава веројатно ќе се случи подоцна оваа недела, со оглед на тоа што утре Украина го одбележува Денот на независноста.

Оваа помош е дел од поддршката на САД кон Украина, која од почетокот на руската инвазија во февруари 2022 година надмина 55,7 милијарди долари.