САД ја известија Турција дека ќе ги прекинат испораките на оружје за сириските Курди
САД ја информираа Турција дека повеќе нема да доставуваат оружје на курдските Сили за заштита на народот (СЗН) и Партијата за демократски сојуз (ПДС).
Турската офанзива во реонот Африн, северозападна Сирија, против СЗН отвори нов фронт во сириската граѓанска војна, но и ги затегна односите со Вашингтон.
Советникот за национална безбедност на Белата куќа Херберт Мекмастер синоќа во телефонски разговор го уверил Ибрахим Калан, портпаролот на турскиот претседател Реџеп Тајип Ердоган дека испораките на оружје за СЗН и ПДС се прекинуваат.
САД предизвикаа гневот кај Анкара, бидејќи испорачуваа оружје, обучуваа и обезбедуваа поддршка на сириските Курди. Според Анкара, СЗН и ПДС се поврзани со Курдската работничка партија (ПКК), која води вооружена борба против турската држава од 1984 година. ПКК има бази во северен Ирак.
Ново на Сител
-
Променливо облачно со повремени врнежи од дожд
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз