САД ги повикаа Русија и Кина да преземат директни мерки против Северна Кореја
Американската администрација ги повика Русија и Кина да преземат конкретни мерки за да и го демонстрираат на Северна Кореја несогласувањето со неразумните нуклеарни проби, изјави синоќа државниот секретар на САД, Рекс Тилерсон.
- Кина ја снабдува Северна Кореја со најголемиот дел од нафтата. Русија е најголемиот работодавач на севернокорејски работници, изјави шефот на американската дипломатија.
Според него, новите „провокативни ракетни лансирање“ на Северна Кореја значат дека јапонскиот народ по вторпат во последните недели бил изложен на закана. - Овие продолжени провокации само ја продлабочуваат економската изолација на Северна Кореја, рече Тилерсон.
Од своја страна, јапонскиот премиер Шинѕо Абе изјави дека Јапонија нема да ги толерира опасните акти на Северна Кореја кои го загрозуваат светскиот мир.
Министерството за надворешни работи на Јужна Кореја исто така категорично ја осуди ракетната проба, нарекувајќи ја сериозна провокација, која ги загрозува меѓународниот мир и безбедност. Официјален Сеул соопшти дека земјата е целосно подготвена да одговори на сите закани од Северот.
Како одговор на севернокорејската проба, јужнокорејската војска денеска спроведе вежба со користење на балистичка ракета, која минала далечина еднаква на онаа до меѓународниот аеродром на Пјонгјанг - Сунан, од каде беше извршено севернокорејското лансирање, пренесува ТАСС.
Ново на Сител
-
ГЕРБ победи, но е далеку до 121 пратеник за формирање влада во Бугарија
-
Советот за безбедност на ОН се очекува утре да расправа за израелските напади врз Иран
-
27 годишник од Гана силувал 32 годишна скопјанка во Кисела Вода
-
Бројот на загинати во невремето Трами на Филипините се искачи на 138
-
Во Батинци загина пешак откако бил удрен со возило
-
Израелските војници убиле висок командант на Хамас на Западниот Брег
-
Мицкоски за оставката на Комисијата за помилување: По направена грешка, ако се превземе одговорност, тогаш тоа е доблесно
-
Грција ја следи ситуацијата со балканската рута и поради опасноста меѓу мигрантите да има борци од Хамас