САД ангажирале 2.000 војници во победата против Исламската Држава во Сирија

Американската армија има околу 2.000 војници во Сирија, кои во изминатиот период се бореа против Исламската Држава и обучуваат локални вооружени групи.
САД досега го имаат потврдено присуството на околу 500 војници, пред се во северните, курдски делови на земјата. Но, извори во Пентагон за американските медиуми најавија дека бројката е многу поголема, и дека сега, по победата над Исламската Држава, активностите на САД ќе бидат најавени во целост. По освојувањето на Рака, главниот град на Исламската Држава, претседателот Доналд Трамп се обрати на нацијата најавувајќи го крајот на бруталното исламистичко движење.
За разлика од некои други држави кои интервенираа во Сирија, како на пример Русија, САД не им даваа многу публицитет на своите операции во државата. САД беа далеку поинтензивно ангажирани во Ирак, каде во соработка со армијата на ирачката Влада и премиерот Хајдер ал Абади, ги протераа борците на Исламската Држава од големо пространство во централен и северо-западен Ирак, освојувајќи го градот Мосул по неколкумесечна борба. САД потврдија дека во Ирак имаат над 5.200 војници, кои учествуваат во борбите или ја обучуваат ирачката армија.
Повеќето од американските војници во борбата против Исламската Држава се специјалци, и офицери задолжени за координирање на артилериски, воздушни и дрон напади врз исламистичките позиции. Во слична улога, САД имаат и 11.000 војници во Авганистан, а наскоро планираат да испратат уште 4.000 војници таму.
Ново на Сител
-

Србинот Дејан Мијатовиќ нов тренер на МЗТ Скопје
-

Мицкоски од Берлин: Македонија активно учествува во разговорите за глобалната безбедност и предизвиците во светот
-

Сиљановска-Давкова ги прими акредитивите од новоименуваниот амбасадор на Кралството Саудиска Арабија Ибрахим Ал-Мади
-

Директорот на Мајкрософт: Вештачката интелегенција би можела да предизвика бројни проблеми
-

Ристески: Клучен приоритет на Владата е да ги задржи младите во државата
-

Николоски - Варнс: Потврдена посветеноста на стратешкото партнерство со САД и унапредувањето на билатералната соработка
-

Полицијата во Белгија со помош на „ГТА 6“ ги предупредува младите: Играта не е вистински живот
-

Мицкоски: Ја потврдивме поддршката за постигнување праведен и траен мир преку дијалог, дипломатија и координација
