Сабајев: Навални немаше кличничка слика на труење
Главниот токсиколог на Омск и Сибирскиот федерален округ, Александар Сабајев, тврди дека во крвта на Алексеј Навални за време на прегледот во Омск не биле откриени инхибитори на холинестераза, што ги пронашле лекарите во болницата „Чарите“ во Берлин.
-Кога Алексеј Навални беше примен во болницата, неговата крв беше тестирана за широк спектар наркотици, синтетички супстанции, психоделични лекови и медицински супстанции, вклучувајќи и инхибитори на холинестераза. Резултатот беше негативен, рече Сабајев, кој истовремено е и раководител на единицата за акутно труење на брзата помош во Омск, каде Навални се лекуваше пред да биде пренесен во Германија, јави Тасс.
Тој, исто така, кажа дека Навални немал клиничка слика специфична за труење со супстанци од групата инхибитори на холинестераза.
-Како што веќе беше кажано, ние сме подготвени да споделиме со германските колеги примероци од биоматеријалите на Алексеј Навални за нивно сеопфатно истражување, рече токсикологот.
Навални, познат критичар на рускиот претседател Владимир Путин, беше однесен во болница во Омск бидејќи му се слошило во текот на летот за Москва, откако претходно на аеродром испил чај.
Тој во саботата беше префрлен на лекување во Германија, а клиниката вчера соопшти дека „клиничките наоди укажуваат на труење со супстанца од групата инхибитори на холинестераза“.
„Специфичната супстанција останува непозната“, додаде клиниката во своето соопштение.
Навални се уште се наоѓа во индуцирана кома на Одделот за интензивна нега, и неговата состојба е сериозна, но животот не му е загрозен.
Ново на Сител
-
Собранието за утре закажа седница на Комисијата за изборите и именувањата
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар