Свет
13. March 2018 - 17:46

Руско МНР: Британските закани во врска со труењето на поранешниот шпион нема да останат без одговор

– Заканите од Велика Британија за санкции кон Русија поради труење на поранешниот шпион Сергеј Скрипал, нема да останат без одговор, соопшти денеска руското Министерство за надворешни работи.

– Какви било закани за санкции кон Русија нема да останат без одговор. Британската страна треба да го разбере тоа, нагласува Министерството.

Според нив, тврдењата дека Русија е вмешана, се лажни и „тоа е провокација“.

- Русија нема да одговори на ултиматумот на Британија, се додека не добие анализи од хемиската супстанца користена при труењето на Скрипал и додека Лондон не почне да дејствува во согласност со обврските од Конвенцијата за забрана на хемиско оружје со која е предвидено заедничка истрага на такви случаи, се наведува во соопштението на руското Министерство за надворешни работи.