Рускиот и кинескиот претседател разговараа за билатералната соработка
Рускиот претседател Владимир Путин на вчерашната средба со кинескиот претседател Си Џипинг истакна дека Русија со заеднички напори со Кина може да ги реши сите задачи и да ги надмине сите потешкотии, јави ТАСС.
Според изјавите на кинеската делегација, Путин и Си во Уфа, 1.170 километри источно од Москва, се договориле да го развиваат партнерството во трговско-економската и во енергетската сфера.
Путин во Уфа, каде почна самитот на Групата Бразил, Русија, Индија, Кина, Јужна Африка (БРИКС) одржа билатерални средби со лидерите на земјите од групата.
Претставникот на рускиот претседател Дмитриј Песков изјави дека Путин ги поканил кинеските компании на економскиот форум на рускиот Далечен Исток во Владивосток, што ќе се одржи на почетокот на септември.
Песков наведе и дека Путин планира да ја посети Кина на 3. септември.
Во главниот град на руската република Башкирија од осми до 10 јули се одржуваат самитите на БРИКС и на Шангајската организација за соработка (ССОС - Кина, Казахстан, Киргистан, Таџикистан, Узбекистан и Русија).
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари