Русија ја осуди американската одлуката за поставување ПРО во Романија

Руското Министерство за надворешни работи денеска соопшти дека американската одлука да постави европски ракетен штит во Романија, кој треба да биде активиран утре, претставува кршење на Договорот за нуклеарни сили со среден дострел.

Противракетната одбрана (ПРО) е на работ да биде активирана веќе десет години, откако Вашингтон предложи НАТО да се заштити од иранските ракети и покрај предупредувањата на Русија дека Западот го загрозува мирот во централниот дел на Европа, се наведува во соопштението.

Руското Министерство оцени дека одлуката да се инсталира штит во Романија е грешка, оценувајќи дека тоа директно ја поткопува националната безбедност на Русија.