Рубио повика на воздржаност поради ескалацијата на насилството во Јемен

Американскиот државен секретар Марко Рубио синоќа повика на „воздржаност“ поради ескалацијата на насилството во Јемен, но избегна да заземе страна меѓу Саудиска Арабија и Обединетите Арапски Емирати, двајца клучни партнери на Вашингтон, вмешани во конфликтот, објавија светските агенции.

„Повикуваме на воздржаност и континуирани дипломатски напори за постигнување трајно решение. Благодарни сме на нашите партнери, Кралството Саудиска Арабија и Обединетите Арапски Емирати, за нивното дипломатско водство“, напиша Рубио во соопштение.

На 9 декември, претседателот на јеменскиот Јужен преоден совет, поддржан од ОАЕ, Ајдар ал-Зубаиди соопшти за воспоставување контрола врз источните провинции Хадрамавт и Ал-Махра и истакна дека во следната фаза се планира воспоставување на институциите на идната држава Јужен Јемен.

На 25 декември, Министерството за надворешни работи на Саудиска Арабија ги нарече постапките на сепаратистите неоправдана ескалација и го повика јеменскиот Јужен преоден совет да ги повлече своите сили од овие региони. 

МИА