Рубио нема да присуствува на мировните преговори за Украина во Лондон, соопшти Белата куќа
Американскиот државен секретар Марко Рубио нема да учествува денеска на мировните преговори за Украина во Лондон, потврди синоќа Белата куќа.
Портпаролката на Стејт департментот, Тами Брус, рече дека Рубио бил зафатен, пренесе ДПА.
-Во конкретниов случај, тој нема да присуствува на состаноците во Лондон, рече таа на брифинг за медиумите, додавајќи дека „ова не е изјава за средбите, туку е изјава за логистички прашања во неговиот распоред“.
Брус додаде дека на состанокот ќе присуствува американскиот специјален пратеник за Украина, Кит Келог.
-Со нетрпение очекуваме да слушнеме од него за тоа дали сме имале или не некој успех во Лондон, рече таа.
Домаќин на состанокот ќе биде британскиот министер за надворешни работи Дејвид Лами, потсетува германската агенција.
Оваа втора средба во ист формат доаѓа по рундата разговори во Париз минатата недела, на кои Рубио и американскиот специјален пратеник Стив Виткоф се сретнаа со европски политичари, вклучително и украинскиот министер за надворешни работи Андриј Сибиха.
Остана нејасно дали Виткоф ќе присуствува и на состанокот во Лондон, пренесува ДПА.
Ново на Сител
-
Академски пленум: Професорите ќе поднесат петиција за вонредни избори, Вучиќ и Мацут поканети лично да ја примат
-
Владата на САД го одзема правото на Харвард да запишува странски студенти
-
Трипуновски: Новиот Закон за земјоделство и рурален развој на ЕНЕР, акредитацијата на ИПАРД 3 не е загрозена
-
Мексико се уште преговара со Трамп за царините
-
Холандската централна банка до граѓаните: Секое домаќинство да има кеш - 70 евра по возрасен и по 30 евра по дете
-
Лишен од слобода возач во Штип, управувал возило со 2,27 промили алкохол во крвта
-
Сиљановска-Давкова во телефонски разговор со Зеленски изразила поддршка на напорите за крај на војната
-
Од 1 јули ќе почне првото намалување на царинските тарифи за 50 отсто