РТС поднесе крвична пријава поради блокада на нивни објекти
РТС поднесе кривична пријава до Првото основно јавно обвинителство во Белград против непознати лица кои се претставуваат како студенти во блокадата, кои од 14 април блокираат објекти на медиумот во главниот град на Србија, јави дописникот на МИА од Белград.
Во пријавата од медиумот наведуваат дека – Јавниот сервис бара одговор и од меѓународните институции.
„Од тој датум новинарите и другите вработени се спречени да влезат – особено во техничките служби, што има ефект да се оневозможи емитувањето телевизиски програми. Вработените се изложени на ризик во овие насилни блокади, бидејќи при секое влегување во зградата ги обезбедува полицијата, а во таа прилика ги навредува, плука и турка“, објавено е на сајтот на РТС.
Дополнително, на социјалните мрежи беа објавени телефонски броеви на тројца уредници и таканаречени „.потерници, што резултира со директна закана за безбедноста и животот на вработени“.
РТС бара да се идентификуваат сите училници за овие кривични дела и против нив да се покрене кривична постапка, итна реакција од претседателката на ЕК, еврокомесарот за проширување, претставникот на ОБСЕ во Србија, Генералниот директорат за соседство и преговори за проширување на Србија, ОДХИР.
Од РТС се обратиле и до меѓународни организации за заштита на новинарите и до Европската асоцијација на јавни радиодифузни услуги, се наведува на веб-страницата на јавниот сервис на Србија.
Блокадата на РТС од страна на студенти и граѓани почна во понеделникот вечерта и сè уште трае.
Ново на Сител
-
Што содржи предлог-законот за ратификација на договорот со Обединетото Кралство?
-
Tема на денот со Изет Меџити, вицепремиер и еден од лидерите во ВРЕДИ
-
Што содржи предлог-законот за ратификација на договорот со Обединетото Кралство?
-
Кога Владата официјално ќе го предложи Азир Алиу за нов министер за здравство?
-
За три децении 18 министри за здравство – Tаравари со два мандати, Tодоров најдолго во министерската фотеља
-
Две обвиненија за скопските криминални банди - вршеле нарачани убиства, тргувале со дрога
-
Почна сослушувањето на родителите за трагедијата во „Пулс“
-
СДСМ обвинува за партиски зделки во МВР