РСБСП го осудува уништувањето на сообраќајната сигнализација
Републичкиот совет за безбедност на сообраќајот на патиштата (РСБСП) го осудува секој чин на уништување на сообраќајната сигнализација затоа што на тој начин директно се загрозува безбедноста на учесниците во сообраќајот.
Ова денеска го изјави секретарот на РСБСП Ристо Манчев, кој апелираше до надлежните институции веднаш да преземат мерки за поставување на сообраќајната сигнализација, согласно сообраќајните правила и прописи.
Според него, треба одговорност и свесност зашто граѓаните на Република Македонија може да платат со својот живот.
- Уништувањето на сообраќајната сигнализација нема и не може да има никакво оправдување и тоа претставува непочитување на животот, здравјето и безбедноста на учесниците во сообраќајот, рече Манчев.
Тој апелираше до матурантите да бидат внимателни и одговорни учесници во сообраќајот и да не користат моторно возило за време на матурските вечери.
- Согласно Законот за безбедност на сообраќајот на патиштата, возачите почетници немаат право да управуваат моторно возило во периодот од 23 до 5 часот наутро. Толеранцијата на алкохол е нула, потенцира Манчев.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници