Романскиот премиер поднесе оставка
Романскиот премиер Михаи Тудосе денеска поднесе оставка откако неговата владејачка Социјалдемократска партија (ПСД) не го поддржа за време на гласањето.
Со тоа тој стана втор премиер на Романија за помалку од седум месеци кого партијата го смени од власт.
- Големо мнозинство гласаше за смена на премиерот Тудосе од власт, изјави неименуван член од раководството на ПСД.
Друг функционер од партијата истакна дека Тудосе поднел оставка.
Според партиски извори, на премиерската функција времено ќе биде именуван Паул Станеску.
Романската владејачка Социјалдемокартска партија денеска одржа состанок за да разгледа дали ќе продолжи да го поддржува премиерот Михаи Тудосе, кој има несогласувања со лидерот на таа партија Ливиу Драгнеа, кој, пак, не може да биде премиер бидејќи е осуден за фалсификување избори.
Конфликтот меѓу нив започна откако Тудосе побара од министерката за внатрешни работи Кармен Дан да поднесе оставка, обвинувајќи ја за лаги, но таа го одби повикот. Дан, инаку, е блиска соработничка на Драгнеа.
Тудосе беше назначане за премиер во јуни 2017 година.
Ново на Сител
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово