Романот „Нишан“ од Блаже Миневски на врвот на бестселер-листата во Ерменија
Романот „Нишан“ на Блаже Миневски, кој во почеткот на годинава во превод на Арминe Пилојан беше објавен на ерменски јазик во издавачката куќа „Антарес ЛТД“ од Ереван, неколку месеци е во самиот врв на најугледната бестселер-листа во Ерменија.
На листата бестселери на ерменската новинска агенција „Armenpress“, направена според бројот на продадени примероци, пред романот на Миневски, во јануари, на пример, беше само „Малиот принц“ од Егзипери, а зад него романите „Алхемичарот“ на Куељо, „Неподнослива леснотија на постоењето“ на Кундера, „Инферно“ на Ден Браун, „Марсовски хроники“ на Реј Бредбери, „Сто години самотија“ на Маркес, „Виновни се ѕвездите“ на Џон Грин..., додека на истата листа за април романот на Миневски е на четвртото место, зад двете историски книги за геноцидот на Ерменците во Турција, и зад романот „Лубов во време на колера“ на Габриел Гарсија Маркес.
„Нишан“ е прв македонски роман објавен во Ерменија, а за него меѓудругото се вели дека влегува во категоријата на ’романсиерски чуда’, дело кое, и покрај сета своја сложеност и несомнена длабочина, освојува веднаш, како магија.
Освен на ерменски јазик, романот „Нишан“ досега е објавен и на српски јазик во Белград, а до средината на следната година ќе би објавен и на арапски во Каиро, на кинески во Шангај, на италијански во Милано, на бугарски во Софија и на словенечки јазик во издавачката куќа „Цанкарјева заложба/ Младинска книга“ во Љубљана.
Ново на Сител
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка