Роман Абрамович се разведел од третата сопруга
Рускиот олигарх Роман Абрамович, сопственик на англискиот фудбалски клуб „Челзи“ се разведе од својата трета сопруга, Даша Жукова, јавува њујоршкиот весник „Њујорк Пост“.
Во заедничка изјава, пласирана на страниците на овој весник, се вели дека по десет години заедничко живеење донеле „тешка одлука“ да се разделат, но дека и натаму ќе останат блиски пријатели, родители и партнери во заедничките проекти.
- Заеднички ќе работиме како коосновачи на музејот за современа уметност „Гараж“ во Москва, како и во Културниот центар „Островот Нова Холандија“ во Сент Петерсбург- се вели во заедничкото соопштение.
Абрамович и Жукова, која е 15 години помлада, се запознале во 2005 година, додека тој беше во брак, а пред нешто повеке од девет години тајно се венчале.
Се веруваше дека Жукова е девојка на Абрамович се додека во 2015 година, таа во едно интервју не откри дека тие двајцата, всушност, се маж и жена. Имаат две деца- син и ќерка.
Роман Абрамович првпат се оженил во 1987 година и во брак останал три години. Со втората сопруга Ирена Вјечеславова, остана во брак до 2007 година, кога се разведе поради својата врска со Даша.
На својата втора сопруга, за разводот Абрамович и има исплатено отпремнина од безмалку 200 милиони долари.
Жукова беше богата и пред бракот со Абрамович како ќерка на руски магнат за нафта. Таа важи за независна жена и експерт за современа уметност.
За неа медиумите пишуваат дека има успеано- еден олигарх- вљубеник во фудбалот, да го претвори во колекционер и вљубеник во современата уметност.
Ново на Сител
-
Обилен снег и силен студ ќе зафати делови од Европа во наредните денови
-
Нетанјаху: Израел ќе продолжи да се бори во Газа до победа
-
Четири деца тешко повредени откако паднале од покрив на спортска сала во Штутгард
-
Состојба на патиштата
-
Сончево со јужен ветер
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи