Ројтерс: Македонија испратила барање до неколку странски банки да достават предлог за издавање Еврообврзница

Македонија испратила барање до неколку меѓународни банки за доставување предлози за издавање Еврообврзница во првата половина на 2018 година, објави Ројтерс, повикувајќи се на банкарски извори.

Од Министерството за финансии велат дека Владата во овој момент се уште нема донесено одлука за издавање  државни хартии од вредност на меѓународниот пазар на капитал, но има редовна комуникација со меѓународните банки и потенцијалните инвеститори и ги следи движењата на пазарот на капитал врз основа на што ќе носи одлуки за идните начини на финансирање, зависно од условите.