Свет
14. November 2015 - 10:04

Рохани ја откажа посетата на Париз поради терористичките напад

Иранскиот претседател Хасан Рохани ја откажа денешната посета на Франција поради терористичките напади во Париз, во кои загинаа повеќе од 126 лице, соопшти иранското Министерство за надворешни работи.

„Поради терористичките инциденти во Париз, а во координација со домаќините, иранскиот претседател ја одложи посетата на Италија, ватикан и Франција за некој поповолен момент, потврди иранското Министерство за надворешни работи.

Шефот на иранската дипломатија Мохамад Џавад Зариф му испрати порака на францускиот претседател Франсоа Оланд во која ги осудува синоќешните напади во кои загинаа најмалку 126 лица и 200 се повредени.

Рохани наведе дека Иран и „самиот бил жртва на камшикот на тероризмот“ и оти борбата против тероризмот мора да продолжи, пренесува иранската новинска агенција ИРНА.