„Роднокрајни поетски средби“ во Струмица
Здружението за развој на култура и заштита на културното наследство „Контекст – Струмица“ денеска во Струмица ги организира дванаесетите по ред „Роднокрајни поетски средби“.
Станува збор за поетска манифестација која редовно се одржува на различни локации во Струмица и струмичко и има за цел да ги промовира домашните автори по еден сосема уникатен и неформален начин, со помош на интеракција и слободен пристап.
- Секој што пишува или има што да каже може да биде дел од овие средби, во иднина оваа манифестација ќе го прошири самиот формат, па освен поети, ова е идеално место да се претстават и луѓе кои се занимаваат со перформанс, стенд ап, слем поезија... - Да се биде отворен кон сите нови форми на интерпретација е од исклучителна важност, со проширувањето на кругот на учесници ќе се создаде уште поширокогледа платформа, велат организаторите.
Овој настан има за цел да ги зближи роднокрајните автори и да креира јадро за запознавање, презентација и промоција, истовремено да и понуди на публиката автори од Македонија и странство кои досега не настапувале во градот, а ја имаат желбата тоа да го направат пред публиката која со будна уво и душа е спремна да го чуе секој нов стих напишан од оние кои се презентираат. Самата цел на настанот е доближување на творештво поблиску до читателите и афирмација на роднокрајното творечко перо.
Покрај домашните поети учесници од Струмица, најавени се поети гости од Радовиш, Гевгелија, Валандово, Богданци и Куманово, меѓу кои Борче Панов, Катерина Диманова, Бранко Ѓеорѓиев, Босилка Ванова, Иле Наумов, Давор Крстевски, Стефанав Стефчо, а за музичкото интермецо ќе се погрижат Jazzna и Јовица Илиќ.
Роднокрајните поетски средби досега биле домаќини на повеќе од 50 локални автори и десеттина етаблирани поети од Македонија и странство.
Ново на Сител
-
Кражба во црквата “Св. Спас” во Сопиште, приведени двајца скопјани
-
САД повеќе не препорачуваат вакцини против Ковид-19 за бремени жени и здрави деца
-
Меџити: Таравари и Ахмети предвиделе се, но не и дека ќе го исфрлиме од ВЛЕН и од Владата
-
Критичарите на Ердоган се сомневаат во неговите намери за нов устав на Турција
-
САД ги предупредија своите граѓани да не патуваат во Венецуела
-
Најмалку петмина загинати во големата експлозија во хемиска фабрика во источна Кина
-
Oбвинителен акт против десет лица за продажба на кокаин и марихуана
-
Митева: За првпат во историјата научните бази Web of Science и Scopus стануваат бесплатни