Робињо уапсен во Бразил
Поранешниот бразилски фудбалски репрезентативец Робињо е уапсен во Бразил, каде ќе треба да одлежи деветгодишна затворска казна за силување.
Наместо да стане наследник на својот голем претходник, некогаш славниот фудбалер на Сантос, Реал, Манчестер Сити, Милан и бразилската репрезентација, за која одигра 100 натпревари, сега е засрамен и однесен на отслужување казна од девет години во затвор за брутално групно силување на 22-годишна девојка.
Злосторството се случило на 22 февруари во ноќен клуб во Милано, а покрај Робињо и неговиот пријател Рикардо Фалко, девојката ја силувале уште четворица мажи и истото траело меѓу 30 и 50 минути во соблекувалната на ноќниот клуб.
Како што јави денеска Би-би-си, Робињо бил уапсен во неговиот дом во Сантос.
Високиот суд во Бразил оваа недела пресуди дека 40-годишниот поранешен играч мора да отслужи затворска казна откако во Италија беше осуден на девет години.
Врховниот суд во четвртокот го одби барањето за укинување на притворот.
Италијанската Влада инсистираше Робињо да ја отслужи казната во Бразил, бидејќи не успеа да издејствува негова екстрадиција.
Ново на Сител
-
Полициските хеликоптери исфрлија над 120 тони вода врз пожарите кај селото Тажево и „Јасен“
-
Скопјанец ги претепал сопругата и малолетниот син, ја искршил и влезната врата од зградата
-
Претрес во скопско, пронајдено оружје и муниција | ФОТО
-
ЕУ ѝ префрла на Украина 1,5 милијарда евра приход од замрзнати руски средства
-
Тетовчани се скарале поради паркинг место, по што едниот извадил пиштол и му се заканил на другиот
-
Драма во Собрание: Неколку пратеници добиле заканувачки пораки
-
Институциите премолчуваат глорификација на терористи и прекршување на Законот за јазиците обвинува Левица
-
Комбе со мигранти се преврте на автопатот кај Бела Паланка, околу 50 повредени