Ракомет
29. September 2020 - 10:40

РК Металург вечерва „брани“ два гола предност против Кринс

Ракометарите на Металург вечерва во  Цирих од 18.45ч го играат реванш дуелот од второто квалификациско коло за Лига Европа со швајцарскиот Кринс. 

Предноста од Скопје која треба да се одбрани изнесува скромни два гола но во македонскиот тим се уверени дека квалитетот е на страна на Металург и ќе успеат да го продолжат походот кон групната фаза. - Верувам во овие момци и се надевам дека овие два гола ќе ги одржат будни, фокусирани и на ниво во реваншот, бидејќи пласманот во групната фаза го издигнува Металург како клуб на европско ниво, а ќе значи и нивна афирмација и презентација како играчи, кои преку мечевите во Лигата на Европа ќе можат на голема сцена да ги демонстрираат своите квалитети и можности“, вели стратегот на Металург Зоран Кастратовиќ.