Рикер за Сител: Договорот од Преспа беше визионерски и беше нешто за кое САД многу се гордееја

Помошник државниот секретар на САД Филип Рикер во интервју во Тема на денот на Сител телевизија истакна дека договорот од Преспа беше визионерски, храбар дипломатски напор и резултат од тој напор за кој беше потребно вистинско лидерство и беше нешто за кое САД многу се гордееја.

-Ние се обидовме да ја одиграме нашата улога, да охрабриме и да помогнеме во тој процес кој беше предводен од Северна Македонија и Грција и вашите лидери. Додека го славиме договорот од Преспа за она кое го постигна и навистина се смета за исклучителен документ и пример за модерна дипломатија, рече Рикер.

Смета дека Македонија го цементирала нејзиното место како дел од трансатлансткото семејство и дека нејзината економија расте и се развива.

-Заедно, како што кажа и претседателот Бајден, можеме одговориме на предизвиците вклучувајќи ја и Ковид пандемијата бидејќи треба да видиме економски раст. Иновации кои ќе ја направат економијата поконкурентна, а  за тоа ни е потребна безбедност. Секако, НАТО обезбедува безбедност за 30 партнери кои работат заедно под освнов на членот 5 кој гарантира поддршка еден за друг и тоа е огромен напредок. Мислам дека е одлично што сме овде овие неколку дена во Охрид за ПДФ и да разговораме што успеа да го обезбеди договорот од Преспа, што тоа значи, но и да ги видиме лидерите од целиот регион. Од САД, ЕУ, кои се овде да дебатираат и да му дадат дополнителна енергија и правец на регионот. Тоа е многу важно. Затоа секретарот Блинкен сакаше да бидам овде, рече Рикер.