Ријана блесна на модната ревија на „Диор“

Новата миленичка на „Диор“, пејачката Ријана, викендов беше почесна гостинка на ревијата на овој бренд во Париз.

Ријана (27) на ревијата ги донесе и нејзините брат и мајка, кои седеа до неа во првиот ред и следеа што куќата „Диор“ подготвува за сезоната пролет/лето 2016.

Со својата појава во необичното палто со боја на праска од колекцијата на висока мода на „Диор“ есен 2015 и со чизмите со високи потпетици од пролетната колекција, Ријана беше главна ѕвезда за фотографите и папараците.

Колекцијата од ефектно палто и секси чизми, беше надополнети со интересните обетки, подигната коса и мат карминот во боја на вино, што е апсолутен хит оваа сезона.