Републиканците ја задржуваат контролата над двата дома на Конгресот
Републиканската партија на САД ќе ја задржи контролата врз двата дома на Конгресот, со што ќе биде ставен крај на надежите на демократите да го променат соодносот на силите, барем во горниот дом - Сенатот, јави ДПА.
Ова го покажуваат последните прогнози на резултатите, вклучувајќи ја трката во повеќето спорни изборни единици.
Досега републиканците имаа 54 места во Сенатот наспроти 44 на демократите, а двајца независни сенатори гласаа заедно со демократите.
Според последните податоци на весникот „Њујорк тајмс“ републиканците сега ќе имаат 51 место, а демократите 47.
Вчера се гласаше за обновување на една третина (34) од местата во Сенатот.
Републиканците успешно ги заштитија нивните места, кои се сметаа за загрозени, во државите Северна Каролина, Индијана, Висконсин, Мисури, Пенсилванија, Флорида и Аризона, покажуваат прогнозите за резултатите.
Претставничкиот дом, се состои од 435 народни избраници, и целосно се обновува на секои две години.
Според последните прогнози на резултатите, републиканците и таму се во водство со обезбедени 235 места наспроти 183 на демократите.
Реизбран е и лидерот на Претставничкиот дом - републиканецот Пол Рајан, пратеник од државата Висконсин.
Рајан, како и сенаторот Меккејн, се критички настроени кон нивниот сопартиец Доналд Трамп, кој ја доби битката за Белата куќа.
Претстои да се види дали критично настроените републиканци кон Трамп, ќе работат со него или ќе спроведуваат сопствен политички дневен ред, забележа ДПА.
Ново на Сител
-
Состојбата во затворот „Идризово“ алармантна, новиот министер денеска во посета
-
Невремето ќе трае до утре, граѓаните да внимаваат од молњи
-
33 издание на меѓународниот хорски фестивал „ТЕХO“
-
Преглед на вести од светот
-
Се уште не е готово супервештачењето - Одложено судењето за Веаповска
-
ВМРО-ДПМНЕ ги повикува обвинителите сериозно да го разгледаат извешајот на ДЗР за инфраструктурни проекти
-
Земјоделците бараат договори за сигурен пласман на производите
-
Преглед на вестите од светот