Репрезентативците посакуваат серија на добри резултати

Македонската фудбалска репрезентација попладнево одржа тренинг во центарот „Петар Милошевски“ , прв по враќањето од Лихтенштајн каде оствари квалификациска победа од 3-0. Според селекторот Ангеловски дуелот со Белорусија е можност да направиме серија на добри резултати по подолго време:

„Секој резултат позитивен е значаен за нас затоа што знаеме какви резултати во минатото бележеше репрезентацијата.

Еве оваа победа во Лихтенштајн добро ни дојде за да дадеме се од себе против Белорусија и да врземе два резултати во серија. Се работи за добра селекција и мислам дека Белорусија е тука некаде на наше рамниште“

Средбата со Белорусија се игра на Арената Филип Втори со почеток во 18ч (Директно на ТВ Сител 3).