Реновирани просториите во интернатот во Кавадарци
Реновирани се просториите во државниот ученички дом „Крсте Петков Мисирков” во Кавадарци. За промена на подот на површина од околу 400 квадратни метри, општината издвоила околу 300 илјади денари. Дополнителни околу сто илјади денари биле вложени и од самата државна установа.
- Новата инвестиција значи и подобрување на условите во овој ученички дом. Во оваа прилика најавуваме инвестиција и за наредната година, за купување нови душеци. Можно е сумата која што ќе се издвои да биде и малку поголема од сега вложената во овие простории, рече градоначалникот на Кавадарци Александар Панов при денешната посета интернатот.
Директорката Трајанка Толева информираше дека на стартот на новата учебна година, во интернатот се сместени 60 средношколци од цела Македонија. Тие посетуваат настава во кaвадаречките средни училишта и како што нагласи Толева, благодарение на Владата на Република Македонија, бесплатно престојуваат во домот.
Градоначалникот Панов нагласи дека на стартот на новата учебна година, сите воспитно образовни институции од општина Кавадарци се во кондиција на највисоко ниво и наставата започна без проблеми.
Осврнувајќи се и на другите инвестиции во воспитно-образовниот процес во општината, тој потсети дека во тек е изградба на концертна сала за основното музичко училиште, за кое има иницијатива да прерасне во средношколски центар.
Ново на Сител
-
Без вода дел од ул. „Васил Стефановски“, без струја делови од неколку скопски општини
-
Либанската телевизија ЛБЦИ јави дека Калед Машал е именуван за в.д. лидер на Хамас
-
Кој беше лидерот на Хамас, Јахја Синвар, кој беше ликвидиран од страна на израелската војска?
-
Лига на шампиони: Висок пораз на Еурофарм Пелистер од Висла Плоцк
-
Состојба на патишта
-
Променливо облачно со сончеви периоди
-
Од мала сум гладна за успех | Мартија Станојковиќ | Sitel Podcast 063
-
Детали за големата полициска акција во тетовско и Охрид | ВИДЕО