Реновирана библиотеката „Св. Наум Охридски“ во Радишани

Реновирана и реконструирана е библиотеката „Св. Наум Охридски“ во населбата Радишани, клон на Градската библиотека „Браќа Миладиновци“-Скопје. Средствата за спроведување на овој проект во износ од 790.384 денари ги обезбеди Град Скопје од својот буџет. 

Во рамки на проектот, како што информира Град Скопје, направени се 40 рафтови и реновирана и оспособена е уште една читална на приземје со капацитет од 30 места. Одделот за британска литература е дислициран во поголеми реновирани простории. Преместен е и Одделот за дигитализација.

Од средства на библиотеката годинава биле набавени 20 персонални компјутери поради потребата од електронска поврзаност на сите 18 библиотеки, електронска обработката на библиотечниот фонд и библиотечната документација. 

Во текот на 2016 година ЈУ Градска библиотека „Браќа Миладиновци“ - Скопје спровела и две поголеми набавки на книги од нашите издавачки куќи. Набавени биле вкупно 2.500 книги на македонски и на албански јазик.