Рекордна заработка од „Ел класико“

Барселона и Реал Мадрид одиграа уште еден спектакуларен натпревар, а Каталонците победија со 4:3 по пресврт.

Терминот од 16:15 часот очигледно беше планиран за маркетиншки цели, бидејќи можеа да го гледаат натпреварот во живо на сите меридијани во светот, и тоа се исплатеше.

Како што денес потврдија каталонските медиуми, Барселона заработила 13,8 милиони евра само од организирање на овој натпревар!

Каталонците додаваат дека ова е убедливо најголемата заработка кога станува збор за домашни натпревари во историјата на клубот и „Ел Класико“.

На сето тоа, треба да додадеме дека Барса го победи Реал по четврти пат оваа сезона, со што ја обезбеди шампионската титула, што може да ја потврди со победа над Еспањол во четврток во 21:30 часот.