Рекордна туристичка сезона во Хрватска

Во првите осум месеци од оваа година Хрватска ја посетиле 13 милиони туристи кои оствариле 75,1 милион ноќевања што се рекордни резултати. Тоа е за околу 8 милиони повеќе во споредба со минатата година, соопшти Хрватската туристичка заедница.

Најмногу ноќевања меѓу странците оствариле Германци – 14,2 милиона, Словенци – 8,4 милиони, Австријанци 5,7, Италијанци 4,7 и Полјаци со 4,5 милиони ноќевања.

Во првите осум месеци најмногу ноќевања се остварени во јадранските жупании – најмногу во Истра 20,7 милиони, 14,4 Приморско-горанската и 14 милиони Сплитско-далматинската 14 милиони.

- Оваа сезона покажа колку е важна соработката меѓу јавниот и приватниот сектор и како во краток временски период може да се постигнат одлични резултати особено во летото надминувајќи ги сите досегашни рекјорди. Тоа е нешто на кое треба да бидат горди сите во туристичкиот сектор, изјави техничкиот министер за туризам Антон Климан.

Тој нагласи дека најавите за пост-сезона се одлични и може да се очекува надминување на ланскиот број од 80 милиони ноќевања со што оваа година би била најдобра туристичка година во самостојна Хрватска.