РЕК Битола повторно работи само на еден блок
Според последните информации до кои дојде Сител, кратко откако одговорните во РЕК Битола го вратиле во мрежата Блок 2 се случил нов дефект но сега на Блок 1 кој во моментов е надвор од системот.
Според се уште неофицијални информации, станува збор за пукната цевка на некој од системите и според првичниот увид, проблемот ќе биде саниран најверојатно во текот на денешниот или утрешниот ден.
Во меѓувреме, недостатокот на електрична енергија ќе се надоместува со влечење на струја од заедничкиот европски систем за цена која е повеќе пати повисока од онаа која ја имаме со домашно производство на струја во РЕК Битола.
За разлика од денешниот ден, вчера во РЕК Битола не работеше вториот блок а од компанијата информираа дека станувало збор за надградба на безбедносен систем.
До овој момент нема официјална потврда од РЕК Битола за каков дефект станува збор и кога капацитетот повторно ќе биде ставен во функција.
Македонија веќе подол период се соочува со сериозни проблеми во производството на електрична енергија. Покрај недостатокот на јаглен, земјава константно има проблем со откажување на термо системите во РЕК Битола поради што се влече струја од европскиот систем за што добивме и неколку предупредувања. Струјата која што ја повлекуваме од овој систем се плаќа по многу повисока цена што според сите анализи ќе значи и значително поскапување на струјата за граѓаните. Согласно методологијата, нова корекција на цената на електричната енергија треба да се направи на крајот на оваа година а прогнозите се дека од почетокот на наредната година, граѓаните ќе добиваат многу повисоки сметки за струја.
Александар Спасовски
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата