Рецитал на контратенорот Луиџи Скифано во МОБ
Еден од водечките контратенори од Италија, Луиџи Скифано, вечер во 20 часот ќе одржи рецитал во фоајето на Македонската опера и балет.
Тој пред македонската публика ќе се претстави со дела од Парсел, Бах и Хендл.
Како што информираат од МОБ, обдарен со темен и топол тембр и интензивен волумен, Скифано на 21-годишна возраст ја открива способноста на својот глас да пее како контраалт односно, контратенор и започнува да се школува со Силвија Боса во Фиренца. Се усовршува со Рената Ското во оперското студио на Националната Академија „Санта Чечилија“ во Рим, со Сара Мингардо во Центарот за античка музика „Пиета деи Туркини“ од Неапол и со Соња Прина.
Контретенорот е редок и специфичен глас. Се одликува со висини несвојствени за машките гласови. Интерпретираат репертоар од ренесансни, барокни и класични автори, односно автори кои пишувале дела во кои настапуваат високи машки гласови.
Италијанскиот контратенор ќе настапи во пијано придружба на Дино Имери, а режијата е на Дејан Прошев.
Ново на Сител
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ
-
Министерство за здравство: Ќе се утврдат причините за смртта на 14-месечно бебе
-
Спасувачите трагаат по исчезнати по поплавите и свлечиштата во Јабланица
-
Досега нема кривична пријава поврзана со „Конти“, граѓаните да внимаваат при вложување пари во вакви апликации
-
Лазов: ДСЗИ ќе изврши вонреден инспекциски надзор во здравствените установи каде починатотото бебе било претходно лекувано
-
МОН: Честит 5 Октомври – Светски ден на учителот
-
Над 20 интервенции ноќеска во поплавени куќи во Тетово