-->
-->
Реал се откажа од Де Геа
-->

Реал Мадрид се откажа од трансферот на Давид Де Хеа откако раководството реши да не се жали кај ФИФА и УЕФА. Трансфер сагата која цело лето го забавуваше фудбалскиот свет заврши неславно, бидејќи документацијата од Манчестер во Мадрид, односно во седиштето на La Liga не стигнала на време.
Реал и Манчестер во понеделникот ги финишираа преговорите околу трансферот на Де Хеа кој требаше да изнесува 30 милиони фунти плус голманот Кејлор Навас. Сепак, тој не се реализира бидејќи комплетната документација од Манчестер во La Liga пристигнала 20-ина минути по полноќ.
Иако тимовите тврдеа дека временскиот рок бил испочитуван, од седиштето на лигата не потклекнаа на притисокот и останаа на своето тврдење дека документите пристигнале по полноќ и дека трансферот не може да биде реализиран.
Сега се поставува прашањето зошто клубовите го чекаа последниот ден, односно последните часови од преодниот рок за да седнат да преговараат, ако се знае дека Де Хеа уште на почетокот на летото изјави дека сака да се врати во татковината, а на почетокот од сезоната тој не беше во плановите на менаџерот на Манчестер Јунајтед.
Токму Де Хеа е најголемиот губитник во целата ситуација, бидејќи сега е нејасно каков ќе биде неговиот статус во тимот во иднина. Можно е Реал и Манчестер да преговараат околу Де Хеа во јануарскиот преоден рок, но тогаш Реал сигурно нема да ги прифати истите услови.
Исто така, многу е веројатно Де Хеа да остане до крајот на сезоната на „Олд Трафорд“, а потоа како слободен играч да го напушти клубот.
-->
-->
-->
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
