Реакција на Министерството за транспорт и врски на изјавата на Бочварски од СДСМ

Министерството за транспорт и врски попладнево реагираше на изјавата на Благој Бочварски кој обвини дека власта не го реализирала ветувењето за реконструкција на магистралниот пат Кочани-Делчево.

- Министерството за транспорт и врски преку Јавното претпријатие за државни патишта веќе извесен период работат на санација на свлечиштето и реконструкција на регионалниот пат од Кочани до Делчево. Иако овој проект не беше предвиден во Програмата на Министерството за транспорт и врски, по барање на граѓаните од овој регион во месец мај годинава се започна со реконструкција на овој регионален пат во должина од 30 километри за што се одвоени вкупно шест милиони евра, се истакнува во реакцијата на Министерството.

Одтаму велат дека ова е само еден од многуте инфраструктурни проекти кои се реалзирани или во моментов се реализираат во тој дел од Република Македонија.