-->
-->
Раул: Нема лесен натпревар, мора да победиме
-->
Македонскиот ракометен првак Вардар е голем фаворит пред реваншот со Висла од осминафиналето во Лигата на шампионите. На „црвено-црните“ доволна им е и минимална победа за пласман во четвртфиналето. Во пресрет на дуелот со полскиот претставник, тренерот на Вардар Раул Гонзалес е претпазлив.
- Во Плоцк одигравме нерешено, резултатот беше многу тесен, но мислам дека за нас беше добро. Знам дека имавме четири разлика на три минути до крај, но заврши нерешено и ние се уште имаме многу добра шанса. Нерешено во Полска е добар резултат и треба да го искористиме. Треба да играме добра одбрана, таму не беше добра, примивме 30 гола. Ќе биде многу тешко. Сите мислат дека ќе победиме тука лесно, но јас не мислам така бидејќи Висла има многу добри играчи. Тие играат подобро надвор од дома, видовме против Кил и Веспрем. Затоа треба да бидеме спремни. Не знам како ќе биде резултатот, ама ќе биде тешко. За нас е како да играме финале. Ако изгубиме тогаш ќе биде готово. Ова е најважниот натпревар за нас сезонава, рече Раул на денешната прес-конференција.
Тој нема да смета на Филип Лазаров за саботниот натпревар, а останува отворено прашање дали ќе се врати Сергеј Горбок кој беше повреден, а вчера првпат почна да тренира. Сепак останатите се подготвени да одговорат на задачите. Меѓу нив е и пивотот Стојанче Стоилов.
- Натпреварот в сабота со Висла е најважен натпревар за нас оваа година. Малку сме разочарани што не победивме, но и нерешено е поволен резултат. Ќе биде тежок натпревар и тој поволен резултат ќе падне во вода ако не изиграме како што треба и ако не ја победиме Висла. Публиката во Скопје секогаш ни дава мотив плус и затоа очекувам да победиме, истакна Стоилов.
-->
-->
-->
Ново на Сител
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167