Расте бројот на заразени во Италија
Во Италија повторно расте бројот на новозаразени со коронавирусот, а експертите предупредуваат дека новата фаза на епидемијата може да се претвори во цунами што целосно ќе го парализира здравствениот систем.
Во последните 24 часа во Италија се регистрирани 28.000 новозаразени со коронавирус, што е за 6.000 повеќе од претходниот ден.
Во моментов, повеќе од 400.000 Италијанци се позитивни на Ковид-19, пишува агенцијата Анса.
Претседателот на Федерацијата на медицински комори на Италија, Филипо Анели, на својот официјален профил на Фејсбук напиша дека лекарите стравуваат дека новата фаза на пандемијата на коронавирус не е само бран на плима, туку дека може да биде вистинско цунами што се заканува целосно да го парализира здравствениот систем.
„Бараме од владата итно да преземе строги мерки на заштита, бидејќи поради зголемениот број на ковид-пациенти во болниците недостасуваат кревети за оние кои имаат други болести и се плашиме дека наскоро нема да можеме да гарантираме третман на сите кои имаат потреба“, рече тој.
Доколку состојбата не се подобри, повеќе нема да можеме да ја контролираме, предупреди д-р Анели.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО