Расте бројот на заразени - каква е состојбата во инфективните одделенија
Само во изминатите 7 дена се регистрирани 784 новозаболени лица и 39 починати од Ковид-19. До денес се регистрирани вкупно 6080 заболени од коронавирусот во земјава.
Додека Институтот за јавно здравје ги подготвува денешните бројки, зголемениот број на заразени ги исполни капацитетите на инфективните одделенија во државава.
Вториот Ковид центар во земјава Детската болница во Козле ги полни своите капацитети. Во оваа болница има 20 пациенти кои се заразени со коран вирус и поради нивната состојба мораат да бидат хоспитализирани.
Од овие 20 пациенти, две се деца, а останатите се возрасни на возраст од 41 до 85 години, од кои двајца се на кислородна подршка поради нивната влошена состојба.
Освен што се полнат болничките капацитети она што ги загрижува докторите е дали вирусот се враќа кај веќе излечени пациенти.
Во овој момент има ваков случај кај две сестри од Куманово кај кои се прават тестови за да се провери дали има повторно присуство на Ковид-19, ова го потврди и министерот за здравство Венко Филипче.
Официјална статистика за денешната бројка на новозаразени се уште нема, но од досегашните сознанија во периодот од 7ми јуни до сега во земјата се регистрирани околу 3000 новозаразени што е двојно повеќе од периодот од 26 февруари кога и беше регистиран првиот пациент со корона вирус.
Министерот за здравство Венко Филипче вели дека сега за сега нема основа за враќање на рестриктивните мерки, но и понатаму апелира граѓаните да се придржуваат до мерките кои се препорачани од надлежните.
Ново на Сител
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг