Расказ на Томислав Османли објавен на италијански јазик
Италијанскиот електронски портал „Bombagiù“ го објави првиот дел од расказот „Малиот Немо во мундирот на Корто“ или „Океан од слики“ од Томислав Османли. Се работи за досега необјавен расказ на македонскиот автор кој, по иницијатива и во превод на Билјана Билјановска, првпат се објавува и тоа на италијански јазик.
„Малиот Немо во мундирот на Корто“ е прозна фантазија за возрасни напишана во вид на фантастична авантура во клучот на книжевноста и на стриповите за деца. Во неа главен јунак е Малиот Немо, ликот од ингениозниот стрип на Виндзор МекКеј, исполнет со раскошни визуелни фантазии, создаван некаде на почетоците на деветтата уметност.
Според Билјановска, расказот „Малиот Немо во мундирот на Корто“ е творба на одличен познавач на стрипот. Тој е познат и како автор на првата и се уште единствена македонска теоретска книга за медиумот и уметноста на стрипот („Стрип, запис со човечки лик“, 1987 и 2002) за која стана лауреат на наградата „Мито Хаџи Василев-Јасмин“ за публицистика.
По избор од авторот, објавата на неговата проза во италијанското електронско списание е проследена со бројни глетки од стриповите за малиот Немо и за Корто и неговите епизодни јунаци Распуќин и вуду-волшебничката Златоустата.
Вториот дел на расказот ќе биде објавен следната седмица.
Ова е втора објава на проза од Османли во истото електронско списание, во кое Билјановска на италијанските проследувачи на популарниот портал им приопшти повеќе македонски автори со нивни есеи, прозни и поетски творби.
Претходната објава на Османли во електронското списание „Bombagiù“ беше сторијата „Небото на Сукот“ од неговата наградена збирка ракази и новели „Светилка за Ханука“ (2008), чии содржини доживеаја голем број меѓународни објави.
Ново на Сител
-
Црвен Крст: Апел за помош за настраданото население од поплавите во Босна и Херцеговина
-
Скопје: Со возило полно мигранти бегал од полиција, па удрил во бетонски столб
-
Посебен режим на сообраќај во понеделник во Скопје
-
Трагедија во Гостивар - Почина 6-годишно дете, откако му се слошило на тренинг
-
Мицкоски: Целосно се реконструира граничниот премин Деве Баир, дел од Коридорот 8
-
Царинската управа запленила 36 килограми марихуана и голема количина лекови
-
Едно лица загина во сообраќајна несреќа на патот Струмица-Валандово, кај село Костурино
-
Мицкоски: Унгарскиот претседател Орбан понудата ја даде во име на претседателствувањето со ЕУ