Рамадани: Белград и Моска се главните закани за Косово, Србија се плаши да води нови војни
Косовскиот заменик министер за одбрана Бурим Рамадани вели дека неодамна увоената Стратегија за безбедност на Косово е „стратегија за модернизација и јакнење на институциите“, и го прави Косово „држава модел во регионот на планот на безбедноста, одбраната, информациите и дипломатијата“, јави дописникот на МИА од Приштина.
Рамадани на својата страница на Фејсбук напиша дека Србија, со тоа што усвои своја одбранебена стратегија неколку недели откако тоа го направи Косово, покажа дека продолжува да ги следи воинствените стратегии на поранешниот лидер Слободан Милошевиќ.
Косовскиот заменик министер за одбрана вели дека неговата Влада со право ги посочила Србија и Русија како „главни закани по безбедноста на Косово“, додека за белградската одбранбена стратегија тврди дека е доказ оти „Србија воопшто не се сменила, само што сега се плаши да води војни“.
– Со право ги дефиниравме надворешните непријателски активности (Србија и Русија) како главна закана по безбедноста на Косово. Неколку недели откако Косово ја усвои стратегијата за модернизација, Србија ја усвои својата милошевиќевска Стратегија. Повторно се потврди дека Србија воопшто не се сменила, само што сега се плаши да води војни, бидејќи се изгоре во Косово, напиша Рамадани.
Разликата меѓу Косово и Србија, според косовскиот втор човек во Министерството за одбрана на Косово, е “иста како и разликата меѓу доброто и злото“.
– Значи, разликата меѓу нас е концептуелна, длабока, тоа е разлика меѓу доброто и злото. Ние сакаме да се модернизираме себеси и регионот. Тие сакаат да го вратат минатото на Милошевиќ, вели Рамадани.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски