Рама на партискиот Конгрес: Во Брисел одиме со крената глава
Албанскиот премиер и лидер на Социјалистичката партија, на денешнот партиски Конгрес, својот говор го започна со пораката дека во Брисел следната недела ќе одат со крената глава и оти доколку има грчко вето „нема да се врати вознемирен, туку уште погорд на Албанија и помотивиран да продолжат на патот до ЕУ“.
- Одиме во Брисел следната недела, на состанокот на Европскиот совет за Западен Балкан, со крената глава за сите заслуги на Албанија, за сите резултати јасно подвлечени во Извештајот на ЕК и поздравени од 26 земји од ЕУ. Само една земја сè уште го суспендираше своето мислење, не поради непобитните резултати на Албанија, туку поради неоснованите традиционални балкански причини во соседските односи, Грција. Историјата е позната, нема потреба да се повторува нашиот став денес. Став кој ниту се менува до 13 декември ниту ќе се менува после 13 декември, рече Рама, алудирајќи на ставот околу прашањето „Белери“, со кое Грција ја условува евроитеграцијата на неговата земја.
Порача дека доколку се случи ветото од страна на Грција, од Брисел нема да се врати вознемирен.
– Доколку се случи, нема да се вратам од Брисел вознемирен, туку ќе се вратам уште погорд на Албанија и помотивиран да ги продолжиме заедно големите дела на нашиот заеднички дом, дури и поубеден дека таквата апсурдност нема да го одложи нашето членство во ЕУ и да се подготвиме за ЕУ, порача Рама.
Ново на Сител
-
Две злата за Македонија на јуниорското Светско првенство во кикбокс
-
Организирал игри на среќа преку негова веб страница, уапсен тетовец
-
Охриѓанец ги следел и вознемирувал малолетните ќерки на неговата девојка
-
Скопјанец се самозадоволувал пред малолетнички во парк
-
Неделков: Членовите на СОНК нема да учествуваат на никакви партиски организирани протести
-
Ураганот Шаншан ја погоди источна Јапонија, најмалку шест загинати и стотина повредени
-
Од утре претежно стабилно, температурите повисоки за околу три степени
-
Починал мотоциклист во сообраќајна несреќа кај струмичко