Живот
9. October 2015 - 15:06

Радиоактивни ѕверови: Чернобил е преполн со диви животни, нивниот број секојдневно се зголемува

Нуклеарната катастрофа во Чернобил во 1986 година имала катастрофален ефект врз локалното население, а 116.000 луѓе биле принудени трајно да ги напуштат своите домови.
 
Научниците откриле дека во зоната има повеќе волци него во резерватите. И додека луѓето не се враќаат, контаминираната област е преполна со диви животни, вклучувајќи ги и северниот елен, дивата свиња, елен и волци.
Напуштената област околу нуклеарната централа, позната како забранета зона Чернобил, зафаќа територија од 4750 квадратни километри во Украина и Белорусија. Во период од 30 години, нивото на радијација е намалено, но во некои делови се уште е преголема за да се врати населението.