Работилница за здрава храна во градинките во Гостивар
Во градинката „Пролет” во Гостивар претставници од Агенцијата за храна и ветеринарство ги презентираа основите на исхраната, безбедноста на продуктите и личната хигиена како предуслов за добро здравје. На работилницата присутвуваа заменик директор на Агенцијата за храна и ветеринарство Абдулезел Догани, и претставници од локалната самоуправата на Општина Гостивар.
Децата од предшколска возраст се запознаа со придобивките од здравата храна и учеа што е здрава храна, кои производи содржат витамини потребни за нивното здравје, што треба да јадат и која храна да ја избегнуваат.
Работилницата ја организраше Агенцијата за храна и ветеринарство во рамки на проектот „Од фарма до трпеза, од нива до вилушка“ чија цел е едукација на населението за правилна исхрана.
- Досега имаме одржано 15-тина работилници во општина Центар и Кисела Вода, а сега на ред е општина Гостивар. Со овој проект сакаме на децата да им помогнеме како да се хранат и како да се заштитат. При тоа им укажажуваме и на кој начин да пријават кај воспитувачите или родителите кога ќе почувствуват тегоби и на тој начин да превенираме последици по нивното здравје, рече Абдулезал Догани, заменик директор на Агенција за ветеринарство и храна
Директорката на градинките Наташа Саздова, информираше дека во гостиварските градинки децата добиваат два оброка и ужинка и нагласи дека со оглед на тоа дека се работи за најмладата популација, храната и менито се подготвуваат според посебни критериуми и стандарди.
Со денешната работилница за здрава храна во градинките „Пролет“ и „Цветови“ во Гостивар беа опфатени стотина деца од групите на македонски и на албански јазик.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот