Путин се согласува со САД околу учество на сириската опозиција во власта

Рускиот претседател Владимир Путин денеска изјави дека се согласува со предлогот на САД за вклучување на дел од сириската опозиција во актуелната власт во Дамаск.

Путин во своето обраќање на Меѓународниот економски форум во Санкт Петербург истакна дека сирискиот претседател Башар ал Асад се согласил дека постои потреба за политички процес.

Тој нагласи дека за Сирија не е најважно Асад да воспостави контрола врз територијата, туку да се врати целосната доверба во власта.

Рускиот претседател изјави дека Сирија неизбежно ќе пропадне доколку работите останат какви што се сега, нагласувајќи дека тоа би било најлошото можно сценарио.