Путин прогласи еднострано тридневно примирје во Украина од 8 до 10 мај
Рускиот претседател Владимир Путин денеска прогласи еднострано примирје во Украина од 8 до 10 мај, што се совпаѓа со 80-годишнината од победата над нацистичка Германија, јави ДПА.
„Во овој период, сите непријателства ќе престанат“, се наведува во соопштението на Кремљ, додавајќи дека Путин ја донел одлуката од „хуманитарни причини“.
„Русија верува дека украинската страна треба да го следи овој пример“, се наведува во соопштението.
Киев сè уште не одговорил на повикот, додава ДПА.
Потегот на рускиот претседател доаѓа во време кога американскиот претседател Доналд Трамп, кој најавуваше и бараше брз крај на тригодишната војна, се повеќе се фрустрира од постапките на Путин во војната.
Трамп, пишувајќи на Truth Social минатата недела, го повика Путин да „ПРЕСТАНЕ!“ откако Москва започна голем ракетен и беспилотен напад врз Киев.
Трамп потоа во саботата се сретна со украинскиот претседател Володимир Зеленски на маргините на погребот за папата Франциск во Рим. На враќање во САД од Рим тој го обвини рускиот лидер дека не сака сериозно да се заврши војната и се запраша дали Путин „само пе тапка“. Од тие причини Трамп ги критикуваше нападите на Путин врз украинските цивили и ѝ се закани на Москва со нови санкции, пренесе германската агенција.
Ново на Сител
-
Фити: За цените на прехранбените производи да се делува со индиректни мерки, конфликтот меѓу Иран и Израел ќе има импликации ако продолжи
-
Уапсен 32-годишен штипјанец, возел со 3,16 промили алкохол во крвта
-
Бранителот на Велибор Манев бара ослободителна пресуда за убиствата, а осудителна за грабнувањата на Вања и Панче
-
Цените на нафтата близу петмесечниот максимум поради тензиите на Блискиот Исток
-
Претседателот на Собранието Гаши во Азербејџан се сретна со министрите за енергетика и за надворешни работи
-
Шварценегер: Имигрантите во САД се гости
-
Приведен тетовец, возел со брзина од 156 км на час на место каде дозволената брзина е 80
-
„ЕИУ“: Копенхаген е најдобриот град за живот на светско ниво