Путин побара дополнителни мерки за справување со последиците од украинските напади врз цивилната инфраструктура

 Руската влада треба да преземе дополнителни мерки за ублажување на последиците од украинските напади врз цивилната инфраструктура на Русија – изјави претседателот Владимир Путин.

Обраќајќи се на владина седница, Путин oceni дека Украина напаѓа цивилни објекти бидејќи губи територија на фронтот и додаде дека целта на нападите е нарушување на енергетското снабдување и на туристичката сезона во Русија.

Претходно денеска Путин изјави дека Украина напаѓа цивилни цели на руска територија во обид да го дестабилизира руското општество.

Од почетокот на годинава украинските напади врз нафтените рафинерии се удвоиле, што во некои руски региони доведе до долги редици на бензинските пумпи и до повисоки цени на горивата.

Киев, од своја страна, тврди дека целта на овие напади е да се ослабне еден од клучните извори за финансирање на руските воени операции и да им се покаже на руските граѓани дека конфликтот повеќе не се одвива далеку од нив.