Путин ги отфрли тврдењата на европските експерти дека Русија предизвикува скок на цената на енергенсите
Рускиот претседател Владимир Путин изјави дека Кремљ има „конструктивни“ односи со Вашингтон и изрази надеж дека заедничките интереси на крајот ќе помогнат за нормализирање на американско-руските односи. Тој ги отфрла тврдењата на европските експерти дека Русија предизвикува скок на цените на енергијата.
На меѓународниот енергетски форум во Москва, Путин кажа дека Русија е подготвена да ги зголеми испораките на природен гас за да помогне во намалување на тензиите на европскиот енергетски пазар, инсистирајќи дека неговата земја сака цените да останат стабилни.
Тој ги отфрли обвинувањата на некои европски експерти и политичари дека Русија го прекинува снабдувањето со гас и предизвикува скок на цената на енергенсите, нарекувајќи ги „политички мотивирани гласини“ и додавајќи дека испораката на руски гас годинава е зголемена за 15 отсто.
-Тврдењата дека Русија ја користи енергијата како политичко оружје се чиста глупост и заблуди. Ги зголемуваме залихите онолку колку што бараат нашите партнери, рече тој.
Путин кажа и дека новоизградениот гасовод „Северен тек 2“ до Германија, што ја заобиколува Украина под Балтичкото Море, би бил поповолен за потрошувачите бидејќи е 2.000 километри пократок од украинската рута, со што се намалува цената на гасот.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати