Пукање во текот на вчерашниот ден во Велес

Во текот на вчерашниот ден во 10 часот во Велес на улицата „Гоце Делчев“, од дворното место од семејната куќа на 48-годишниот З.Т. се слушнале неколку истрели од огнено оружје.

 

Полицијата информира дека по пријавата полицајците го затекнале З.Т. кој со себе имал ловечка пушка и куршуми околу телото. Во дворот од куќата биле пронајдени и подигнати осум чаури за вештачење.

 

З.Т. е лишен од слобода, а оружјето и муницијата, со потврда за привремено одземени предмети, биле одземени.

 

За среќа во настанот нема повредени лица.

 

Увид на местото ан настанот извршиле Јавен обвинител и увидна екипа од СВР Велес.