Пуџдемон го осуди притворот за неговите колеги во Шпанија

 Разрешениот каталонски премиер Карлес Пуџдемон ја осуди одлуката на шпанските власти да задржат во притвор дел од неговите министри, кои како и Пуџдемон се обвинети за бунт и антидржавни активности.

Пуџдемон, беше сослушан во Белгија, каде побара засолниште, но денеска беше пуштен на слобода. Заедно со Пуџдемон, во Белгија се и четворица негови министри, на кои им е забрането да ја напуштат земјата, додека да се разгледа шпанското барање за нивна екстрадиција.

- Во мислите сум со колегите кои се фрлени во затвор од страна на една држава која постапува спротивно на демократските начела, изјави Пуџдемон.

Се очекува постапката за екстрадиција од Белгија да биде разгледана во рок од две недели, а следната недела Пуџдемон повторно ќе биде сослушан зад затворени врати.

Во меѓувреме, Пуџдемон најави дека неговата Каталонска европска демократска партија ќе учествува на изборите закажани за 21 декември