Пучдемон: Каталонија веќе победи во битката за суверенитетот
Каталонскиот лидер Карлес Пучдемон го заврши предизборнииот митинг со зборовите дека утрешниот референдум ќе им обезбеди на граѓаните од овој шпански регион „право да бидат слушати и признати на глобално ниво."
Тој на поддржувачите на референдумот во Барселона им рече дека гласањето значи оти Каталонците ќе продолжат понатаму со „суверенитетот и достоинството кои се обидоа да ни ги земат".
Според него, Каталонците веќе ја победиле авторитарната влада која не сакала да дојде до оваа точка.
- Ние веќе победивме, ги надминавме стравот, лагите и заканите, го надминавме притисокот на државата, која не сакаше да стигнеме толку далеку, рече Пучдемон.
Каталонската владејачка коалиција вети дека ќе прогласи независност во рок од 48 часа ако на гласањето победи одговорот „да".
Шпанскиот Уставен суд нареди откажување на референдумот.
Регионалната полиција на Каталонија доби наредба да ги затвори гласачките места утре до шест часот наутро, со цел да се спречи одржувањето на планираниот референдум за независност од Шпанија.
Ново на Сител
-
Министерот Мисајловски на меѓународен саем за одбрана во Турција
-
Влатко Стефановски сними нов албум во култното Abbey Road Studios во Лондон
-
Министерот Николоски на Форум во Солун за иднината на транспортот и инфраструктурата во Југоисточна Европа
-
Хезболах ја гаѓаше базата на израелската разузнавачка служба кај Тел Авив
-
Ветеринарна комора повикува на смиреност, ИЈЗ со препоракиза заштита по појавата на птичји грип
-
Состојба на патиштата
-
Студено утро, преку ден сончево
-
Кршел по дома и фрлал предмети кон полицајци, приведен жител на Драчево