Публиката во Измир воодушевена од претставата „Бескрајни соништа“ на Театарот за деца и младинци

Со овации и долготрајни аплаузи беа поздравени актерите на Театарот за деца и младинци кои со претставата „Бескрајни соништа“ ја освоија публиката на најголемиот светски фестивал за детски и куклени претстави во Измир.

Театарот за деца и младинци во периодот од 9 до 14 март забележа голем успех на овој исклучително квалитетен фестивал на кој учествуваа 52 професионални театри за деца.

Публиката на фестивалот со воодушевување ги проследи сите четири изведби на претставата „Бескрајни соништа“, а исто така театарот доби позитивни критики и покани од страна на менаџери на други светски фестивали за учество во текот на оваа и идната година, соопштија од Театарот за деца и младинци.