Првите министри на Шкотска, Велс и Северна Ирска против референдум за ЕУ во јуни
Првите министри на Шкотска, Велс и на Северна Ирска, Никола Старџен, Карвин Џонс и Арлин Фостер, како и северноирскиот заменик прв министер Мартин Мекгинис, се против организирање на референдум за останување или за напуштање на ЕУ во текот на јуни годинава.
Во заедничко писмо до британскиот премиер Дејвид Камерон тие предупредуваат дека на почетокот од мај ќе се одржат редовните избори за парламентите на Шкотска, Велс и Северна Ирска.
Првите министри затоа сметаат дека водењето во истовреме и предизборна и референдумска кампања, ризикува да предизвика конфузија кај гласачите.
Политичките лидери од овие три делови на Велика Британија, оценуваат дека за партиите ќе биде невозможно да работат заедно во кампањата за референдумот.
Раководителот на кампањата за останување во ЕУ кај британските лабуристи Алан Џонсон изјави дека на неговата партија не и пречи да има референдумско изјаснување веќе во јуни годинава.
Одлуката за тоа кога ќе се организира референдумот, не е донесена, но лондонските медиуми најавуваат дека изјаснувањето на гласачите за идните односи на земјата со ЕУ би можело да се организира на 23 јуни, доколку нацрт-договорот на Лондон и Брисел, што вчера беше обелодент, добие „зелено светло“ на Самитот на лидерите на ЕУ предвиден за 18 и 19 февруари.
Камерон смета дека гласaчите нема да имаат проблеми околу справувањето со гласањето за членови на парламентите на Шкотска, Велс и Северна Ирска, а потоа и за референдумот за ЕУ.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп