Прва регионална конференција за активен туризам во Европа

Прва регионална конференција за активен туризам во Европа „АдвенчрНЕКСТ Балканс“, ќе се одржи од денеска до четврток во Охрид, во организација на Агенцијата за промоција и поддршка на туризмот на Република Македонија.

На тридневната конференција, што ќе се одвива под мотото „Знаење. Партнерство. Раст“, ќе присуствуваат повеќе од 300 претставници од јавниот и приватниот сектор од 12 дестинации од Југоисточна Европа кои ќе се поврзат со 60 меѓународни туроператори и 25 новинари од 16 држави (од реномирани медиуми како The Guardian, New York Times и National Geographic).

Агенцијата за промоција и поддршка на туризмот на Македонија ја организира конференцијата во соработка со Меѓународното здружение за активен туризам (Adventure Travel Trade Association - ATTA) и со поддршкаа од Проектот на УСАИД за експанзија на мали бизниси.